3 persona janë vënë në pranga në Durrës ditën e sotme pasi u kapën duke lëvizur me armë zjarri të gatshme për qitje. Në pranga janë vënë R. N., 24 vjeç, E. B., 22 vjeç dhe E. M., 27 vjeç, të tre banues në Tiranë.
Sipas njoftimit zyrtar, armët e zjarrit u sekuestruan nga shërbimet e Forcës së Posaçme “Shqiponja”.
“Finalizohet nga shërbimet e Forcës së Posaçme “Shqiponja”, operacioni policor i koduar “Mbikalimi”.
Lëviznin me 2 armë zjarri pistoleta të gatshme për qitje, vihen në pranga 3 shtetas dhe sekuestrohen armët e zjarrit.
Shërbimet e Forcës së Posaçme “Shqiponja”, si rezultat i kontrolleve intensive “blic” në çdo aks të qarkut, si dhe bazuar në informacionet e marra në rrugë operative, kanë organizuar dhe finalizuar operacionin policor të koduar “Mbikalimi”, si rezultat i të cilit u arrestuan në flagrancë shtetasit:
– R. N., 24 vjeç, E. B., 22 vjeç dhe E. M., 27 vjeç, të tre banues në Tiranë, për veprën penale “Mbajtja pa leje e armëve, armëve shpërthyese dhe i municionit”, pasi gjatë kontrollit të ushtruar në automjetin me të cilin lëviznin këta shtetas, shërbimet e Policisë gjetën dhe sekuestruan në cilësinë e provës materiale, 2 armë zjarri pistoleta, 1 krehër pistolete dhe municion luftarak.”- njofton policia.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme procedurale.
