5 shtetas shqiptarë, anëtarë të një grupi për kultivimin dhe trafikimin e kanabisit, janë arrestuar nga policia e Selanikut.
5 shqiptarët e arrestuar janë të moshave 40, 26, 31, 27 dhe 35 vjeç, ndaj të cilëve është hapur dosja penale për shkelje të ligjit për drogën dhe dhunë ndaj zyrtarëve dhe personave gjyqësorë.
Policia sekuestroi mbi 37.5 kilogramë lëndë narkotike dhe 37 bimë.
Anëtarët e organizatës ishin bashkuar me qëllim rritjen e fidanëve të kanabisit, kryesisht në zona të paarritshme të vendit, vjeljen, përpunimin e më pas transportin dhe shpërndarjen brenda territorit grek dhe kryesisht në zonën e Selanikut.
