Aleksandër Kovaçi, Kreu i Sindikatës së Punonjësve të Arsimit të Lartë, deklaroi se pas datës 20 të çdo muaji ata nuk kanë më asnjë të ardhur për të mbyllur muajin. I ftuar në “Open”, ai deklaroi se vetë merr 860 mijë lekë të vjetra në muaj. Kovaçi tha më tej se me këto para ai arrin të shtyje vetëm 20 ditët e para të muajit, më pas ngelen me xhepat bosh.
“Unë marr 860, llogarite ti tani me rritjen e inflacionit dhe me çmimet që janë sot. Unë nuk shtyj dot muajin. Ne sot në protestë nuk kërkuam që të kishim të gjithë pedagogët, duke përfshirë edhe ato të rretheve. Kjo sepse nuk kanë lekë fare, edhe një biletë autobusi i rëndon ata. Më datë 20 ne nuk kemi më asnjë lekë nga rroga,”- tha ai ndër të tjera.
