Që nga fillimi i vitit e deri më tani, më shumë se 33,000 migrantë të paligjshëm kanë kaluar Kanalin Anglez.
Sipas mediave angleze kostoja për tatimpaguesit britanik është tepër e madhe. Llogaritjet e fundit vlerësojnë se çmimi i strehimit të këtyre emigrantëve të paligjshëm në hotele me ushqim të plotë është 1.3 miliardë paund në vit, me akomodimin për person që kushton 4,300 £. Këto shifra u llogaritën në fillim të këtij viti përpara se 28,000 emigrantë të tjerë të mbërrinin nga Franca.
Express.Uk thotë se këto para janë shumë të nevojshme por që iu mohohen shërbimeve shëndetësore dhe sociale.
Patrullat franceze kanë arritur të ndalojnë gjysmën e emigrantëve që përpiqen të kalojnë por sipas britanikëve bandat e kontrabandës shqiptare janë më dinake se rrjetet rivale irakiane dhe kurde. Me çmimin e një kalimi për kokë 4,000 euro (3,482 £) dhe 40 njerëz në çdo varkë, trafikantët fitojnë 139,280 £ për udhëtim, duke e bërë këtë “biznes” edhe më fitimprurës se kontrabanda e drogës.
Vitin e kaluar në burgjet britanike ishin 1500 shqiptarë, përqindja më e madhe e shtetasve të huaj. Deri në 60 përqind e emigrantëve të paligjshëm që kalojnë Kanalin janë nga Shqipëria, një vend jo i shkatërruar nga lufta apo uria. Sipas britanikëve kjo gjë duhet ndaluar sa më parë.
