Champions League rikthehet mbrëmjen e sotme me ndeshjet e treta të fazës së grupeve. Vëmendja më e madhe është te grupi i ferrit me superndeshjen, Inter-Barcelona. Dy gjigantët e futbollit europian do të masin forcat në San Siro me motivin e vetëm për të fituar.
Titullar në këtë ndeshje pritet të jetë dhe Kristjan Asllani, në mungesë të Brozoviçit të dëmtuar. Nga ana tjetër, Bayern luan përballë Viktoria Plzen, por me një infermieri të mbushur pasi Neuer, Goretzka, Thomas Muller dhe Kimich janë infektuar me Covid -19.
Ndërkohë në ndeshjet e tjera, Ajax pret Napolin që ka bërë jo pak surpriza këtë sezon. Liverpool përballet me Rangers, Porto pret Leverkusen, ndërsa Club Brugge-Atletico Madrid. Në grupin D Marseille përballet me Sporting, ndërsa Tottenham udhëton në Frankfurt.
