Dy të rinj shqiptar, 25 dhe 27 vjeç, janë arrestuar nga punonjësit e policisë së Nëndrejtorit të Sigurisë Heraklion. Të rinjtë janë akuzuar për vjedhje banesash në zona të Heraklionit.
Sipas informacioneve, rastet e denoncuara në polici gjatë 24 orëve kanë të bëjnë me vjedhje dhe thyerje nga banesat e banorëve në zonat e Komunës së Archanës Asterousia ndërsa pronarët e tyre ishin të ftuar në një dasmë .
Me arrestimin e tyre, policia zbardhi gjithsej pesë raste të vjedhjesh, 3 të kryera dhe dy të mbetura në tentativë.
Dy të rinjtë, kanë vjedhur ar me vlerë rreth 11 mijë euro dhe shumën 500 euro.
