Nertil Buzi, një 30-vjeçar nga Fieri pa të shkuar kriminale, por që besohet të ketë qenë i përfshirë në “biznesin” e shtëpive të barit në Britaninë e Madhe, mbahej peng prej 12 ditës nga një grup kriminal nga Vlora.
Grupi i përbërë nga Nekid Arapi, Xhon Guveli, Fation Arapi, Emanuela Arapi, Eduart Cepele dhe Armando Brahashaj, mendohet të kenë rrëmbyer dhe më pas torturuar në një banesë në lindje të Londrës të riun nga Fieri pas prishjeve të pazareve të drogës.
Ka qenë familja Buzi, më konkretisht vëllai i 30-vjeçarit ai që ka ngritur alarmin në Policinë e Shtetit për pengmarrjen e të vëllait dhe ka zbuluar mesazhet, ku banda me 6 anëtarë i kërkonte 400 mijë paund në këmbim të lënies së lirë të Nertilit.
Por në ditën e 12 pas koordinimit të Policisë shqiptare me Metropolitan police të Londrës u bë e mundur gjetja e Nertil Buzit, të cilin e shihni në fotot e mëposhtme, në një banesë, ndërsa i janë konstatuar shenja dhune të rënda.
Anëtarët e grupit vlonjat që tentoi të terrorizonte familjen e tij edhe me video në momentet kur e torturonin të riun janë pas hekurave, ndërsa operacioni vijon pasi dyshohet se ka persona të tjerë të përfshirë në këtë ngjarje të rëndë.
Gjashtë të arrestuarit mbeten në paraburgim dhe do të dalin para gjykatës së krimeve “Harrow Crown Court”, më 28 tetor.
