Banorë të Laprakës, shtëpitë e të cilëve rrezikojnë të shemben nga projekti i Unazës së Madhe, kanë dalë sërish në protestë këtë të Shtunë. Rreth 654 ndërtesa parashikohet të shemben në këtë zonë. Sipas banorëve, pronat po u merren padrejtësisht për shkak të interesave personale të pushtetarëve.
Ata thonë se kjo çështje po shoqërohet edhe me një fenomen social tejet negativ për vendin tonë, siç është shpopullimi. Sipas disa banorë të zonës, të gjendur në këtë situatë, shumë kanë marrë vendimin për t’u larguar përfundimisht nga Shqipëria.
Prej më shumë se një viti banorët e Laprakës janë ngritur vazhdimisht në protesta për të kundërshtuar shembjen e pronave të tyre, ndërsa paralajmërojnë se në vijim nuk do t’i ndalin protestat.
