Berisha në mbledhjen e Këshillit Kombëtar u ka thënë demokratëve se situata brenda partisë nuk është e mirë dhe duhet ndryshuar me urgjencë për të dalë në përballje me qeverinë në zgjedhjet e ardhshme.
Ai i kerkoi anëtareve te Keshillit Kombetar që të zhvillojne takime me cdo grup seksioni dhe të shfrytezojnë potencialet e mëdha tek elektorati.
“ Ai moment është votimi, mobilizimi, prova e përgjithshme ajo betejë zhvillohet në nivel seksioni. Ku jemi ne në raport me këtë? Larg jemi, unë duhet të jem realist me ju. Kam marrë gjatë gjithë kohës informacione dhe juu garantoj që është urgjente ndryshimi i situatës. Askush mos mendojë se mund të fitohet vetëm me “makro aktivitete”. Jo nuk fitohet, ato janë të domosdoshme, por pa kombnimin e aktiviteteve të tjera në nivel seksioni, hyrje, blloku, në cdo skaj ne në këto kushte fitore nuk shohim, ne vetëm rrimë duke shprehur habira për veprimet e një njeriu, njeriu që vjedh cdo ditë qytetarët.
Në cdo ditë që kalon jemi të vonuar në përballjen tonë me të. Ju jam i sigurt që merrni cdo ditë pyetje dhe unë marr qe thone “cfarë po bëni, shtator ku jeni, ne po presim”. Revolta, urrejtja për këtë qeveri në shpirtin e qytetarëve e unë takoj të gjitha llojet, po vlon, po zien, po ne duhet të shtrojmë pyetjen kui jemi ne? Cfarë aktivitetesh kemi bërë ne gjatë kësaj periudhe? Askush mos mendojë që nuk dëmtohemi kur mediat thonë Berisha ben takime po nuk ndjehen. E verteta eshte se bashkëpunëtorët e mi të afërt po bëjnë takime por nuk janë të përcjella në nivel seksioni e grup seksion sipas një plani, ne kemi nevojë emergjente.T’u bëj një pyetje: Ju i keni ndjekur foltoret dhe takimet. Elementi më spikatës, më i rëndësishëm i tyre janë fjalët e atyre qytetareve dhe demokratëve jo fjalët e mia se të miat janë një mori cështjesh që i kaloj nga audienca në audiencë. A i shihni ju sa bukur flasin ata? Potencialet i keni të jashtëzakonshme, shumë të mëdha por ama duhet t’i shfrytëzoni”, thotë Berisha.
Berisha ka thënë se nuk duhet të bëhen më gabimet e së kaluarës në zgjedhjet e ardhshme vendore.
Teksa u kthye pas në kohë, Berisha u shpreh se është e turpshme se si një parti e madhe kombëtare si PD të mos ketë komisionerë në qendrat e votimit.
“Kryetarët e degëve pas kësaj mbledhje me plan të detajuar. Çfarë doni më shumë ju se fjalën e një mësuesi, inxhinieri, pensionisti. Të trokasin të verifikojnë identifikojnë. Në dy-3 zgjedhjet e fundit kemi pasur qendra votimi pa komisionerë, e turpshme. Një parti kombëtare përfundon… s’është e zonja të nxjerrë komisionerë. Primaret, grupi i punës ka bërë këto ditë një punë intensive. Por ky grup pune ka pasur një shans dhe fat sepse bazuar në gjithë veprimtarinë, ne miratuam një statut bashkërisht, ky është statuti që ndryshon PD. Statuti vërtet e paraqet para shqiptarëve një forcë tjetër politike, ndaj edhe ngado që të sillemi ne kemi vetëm një alternativë të zbatojmë këtë statut. Ky është një kusht themelor, statuti është kushtetuta për të mos përfunduar, për të mos u kthyer siç kemi qenë. Jo këtë ta marrë Kryesia, jo atë, por të ecim kështu shkojmë drejt autokracisë. Çfarë i mbetet anëtarit të duartrokasë, jo. Do marrë pushtetin që i takon, kështu e përcakton statuti. Është kushti i kushteve për të qenë nesër një garanci e plotë e shtetit të së drejtës. Për të mos u thënë shqiptarëve kullat si pashë me sy por më duhen satellite. E quaj historike për vendimet që kemi para, për etapën që kalon PD”, ka thënë Berisha.
Berisha ka thënë gjatë takimit se primaret janë sistemi më demokratik që mund të funksionojnë brenda një force politike. Ai thekoi se detyra kryesore e partisë është të fitojë mendjet dhe zemrat e qytetarëve shqiptarë.
“Sot miratojmë rregullat në përputhje me statutin e PD, të zhvillimit të primareve për zgjedhjet vendore dhe disa prej tyre janë të njëjta për zgjedhjet e deputetëve. Ne sot në përputhje me vendimet statutore shënojmë një hap të madh si forcë politike e rithemeluar. Unë kërkoj nga ju që termin rithemelim të mos e lexojmë si një meritë e jona. Termin rithemelim duhet ta lexojmë dhe ta kuptojmë si një detyrim madhor i çdo demokrati për të bërë gjithçka që forca jonë politike t’i paraqitet shqiptarëve mbi parimet e saj të vërteta. Kërkohet një ndryshim i madh në mënyrë që të tregojmë vitalitetin tonë për tu paraqitur si një forcë vërtet e ndryshuar, si një forcë politike që qëndron e përkushtuar ndaj lirisë dhe vlerave të saj për qytetarin shqiptar. duhet të vrasim frikën dhe ajo vritet me fjalën tonë në çdo skaj të Shqipërisë, me qytetarët dhe grupet e interest”, shprehet Berisha.
