Kryetari i Partisë së Lirisë, Ilir Meta ka zbuluar arsyen e vërtetë që e “detyruan” Edi Ramën të tërhiqet nga vendimi për fashën “800 kWh” e cila bënte që mijëra familje shqiptare të përballeshin me një rritje të paprecedentë të çmimit të energjisë elektrike.
Meta tha në një konferencë për mediat se kreu i qeverisë u tërhoq për faktin se para janë zgjedhjet, ndërsa ka si plan që të 5-6 fishojë çmimin më pas.
“Kjo ishte e qartë, vjedhje nga ana e qeverisë, në kurriz të bizneseve, sipërmarrjes. Është frikë përpara zgjedhjeve. për të mos përballuar këtë akt kaq arbitrar dhe antinjerëzor, por me shpresën për të kaluar zgjedhjet dhe për t’jua shtuar 5-6 fish. Por kjo s’ka për të ndodhur, pasi qytetarët shqiptarë janë të ndërgjegjshëm për pehlivanllëqet e këtij artisti që po i a nxin jetën qytetarëve të ndershëm. Këto synojnë të krijojnë pasiguri, panik, shantazh dhe shpesh për t’i fyer qytetarët e këtij vendi si njerëz të cilët nuk kanë sy, vesh e kujtesë dhe nuk kanë dinjitet. Kjo kohë pa përfunduar. Opozita do të vazhdojë më tej misionin e saj. Kur ngrihet populli bien çmimet.
E gjithë kjo ishte një manvoër për të mbuluar vjedhjet e qeverisë dhe për ta kaluar në kurriz të sipërmarrësve. Sigurisht është edhe një frikë që përpara zgjedhjeve të mos arrijë të përballojë këtë akt anti-njerëzor. Sipas tij pasi të kalojnë zgjedhjet, do ta shtojë me pesë apo gjashtë fish më shumë. Por kjo nuk ka për të ndodhur. Ky artist po ua nxin jetën qytetarëve të këtij vendi, duke krijuar panik, duke i mashtruar duke i fyer të gjithë qytetarët e këtij vendi. Besoj se kjo kohë ka përfunduar dhe se opozita do vazhdojë më tej me misionin e saj sepse ua kam thënë që kur ngrihet populli bie qeveria”, tha Ilir Meta.
Kujtojmë që ditën e sotme kryeministri Edi Rama është tërhequr nga vendimi për fashën “800 kWh” të energjisë elektrike, duke njoftuar se nuk do të hyjë në fuqi në muajin tetor. Mesa duket kryeministri Edi Rama është “frikësuar” nga protestat e mundshme dhe ka bërë hapa pas me justifikimin se situata e reshjeve të shiut ka përmirësuar nivelin e ujit në hidrocentralet e vendit.
