Kryetari i Partisë së Lirisë, Ilir Meta, në një konferencë për shtyp, foli për mardhënien e tij me kryetarin e PD-së Sali berisha.
Meta tha se mes tij dhe Berishës nuk ka asnjë krizë komunikimi, ndërsa ka përmendur edhe takimin 2 orësh me ambasadoren e SHBA-së në Tiranë, Yuri Kim, për të cilin tha se të dy nuk ndajnë të njëjtin qëndrim për gjithçka.
I pyetur nëse ka patur ndonjë kërkesë nga ambasadorja Kim, për një distancim nga Berisha, Meta thotë jo, ndërsa thekson se SHBA e ka treguar që respekton vullnetin e popullit.
“Në çdo rast marrëdhëniet e mia dhe PL me SHBA nuk cënohen, përkundrazi. Amerika është vendi i lirisë dhe në fund të fundit mbizotëron liria do të thotë që në finale mbizotëron vullneti i popullit dhe Amerika e ka treguar që respekton vullnetin e popullit”,- u shpreh Meta.
