Gazetarja e ekonomisë, Ola Xama, ka shpjeguar përse qeverisë i duhet pikërisht tani amnistia fiskale.
E ftuar në emisionin “Të Paekspozuarit” në MCN TV, Xama tha se amnistia lidhet me rënien e të ardhurave dhe interesa të biznesit dhe deklaroi se në rastin e emigrantëve, amnistia nuk mund të funksionojë, pasi do të jetë shumë e vështirë që ata të sjellin paratë në Shqipëri.
Pjesë nga biseda:
Ylli Rakipi: Përse i duhet pikërisht tani qeverisë amnistia fiskale?
Ola Xama: Për dy qëllime, politike dhe interesa të bizneseve, që një pjesë të kapitaleve i kanë informale. Edhe për të shtuar para në buxhet. Kemi patur rritje të ardhurash, por kemi disa muaj rresht rënie konsumi. Pra, rritja e çmimeve po jep efekt tjetër, po bie konsumi nuk po arkëtohen të ardhura nga TVSH. Nuk e besoj tezën që amnistinë e duan emigrantët dhe prandaj po e bëjmë.
Nëse shtron pyetjen, a duhet tja bëjmë 5 milionë lek rrogën shqiptarëve, si do të votonin? Patjetër po. Mënyra është si shtron pyetjen.
Ne nuk dimë sa përfiton nga kjo amnisti fiskale? Përse nuk kemi një faturë financiare?
Pra, si e merr nismën, të zihesh edhe me partnerët ndërkombëtarë, nëse kjo nuk do të ketë impakt apo efekt? Tjetra, sa mund të realizohet që një emigrant të sjellë paratë në Shqipëri? Emigrantët duhet ti sjellin me çantë, ose në sistemin banker. Kur të shkojë në bankën e Italisë, përshembull, banka do të pyes për burimin, kur nuk e justifikon sinjalizohen autoritetet. Po kështu në kufi, nëse kapen me mbi 10 mijë euro, sërish do ta pyesin për burimin e parave. Teza që përfitojnë emigrantët…
Ylli Rakipi: Nuk mendoni se paratë po pastrohen që tani pa këtë ligj?
Ola Xama: Po, por amnistia të jep trajtim preferencial. Nëse një person paguan 23% taksë për pagën, ti që i ke fshehur paguan 7% taksë. Të amniston gjithashtu nga hetimet penale.
As emri i tij nuk bëhet publik. Ku e di unë, që nuk do të përfitojë një politikan, kur emrat nuk do të jenë transparentë?
Kompanitë që kanë borxh në tatime del lista. Por kur fsheh të ardhurat? Ti do të dalësh edhe i ndershëm, nuk do të dihet as emri që ke përfituar nga amnistia.
