Gazetari Artan Hoxha ka hedhur dyshime të forta në lidhje me vdekjen e Dorian Shurdhit dy ditë më parë në Belgjikë, i cili më pas u shpall si person i dyshuar për atentatin ndaj Kujtim Metës.
Hoxha tha në “Abc Live” se 24 orë para se të shpallej në kërkim dhe të bëheshin bastisje në shtëpinë e tij, të afërm dhe shokë kishin njoftuar vdekjen e tij në rrjetet sociale duke kërkuar mbledhjen e fondeve për rikthimin e trupit në Shqipëri.
Ai tha se Shurdhi është akuzuar për atentatin ndaj Metës pas vdekjes për ti hedhur fajin që çështja të mbyllej.
“Unë dyshoj se autoritetet shqiptare e kanë shpallur në kërkim një ditë pas vdekjes pikërisht për t’i ngarkuar fajin për atentatin si njeriu i dyshuar kryesor për këtë atentat. Kam frikë se ky person po të ishte gjallë ajo ngjarje do të ishte e ende e arkivuar. Unë dyshoj se autoritetet shqiptare e kanë shpallur në kërkim një ditë pas vdekjes pikërisht për t’i ngarkuar fajin për atentatin si njeriu i dyshuar kryesor për këtë atentat. Kam frikë se ky person po të ishte gjallë ajo ngjarje do të ishte e ende e arkivuar” – tha Hoxha.
