Mediat greke kanë publikuar foton e shqiptarit të plagosur ditën e djeshme nga oficerja greke gjatë një aksioni policor.
Ngjarja ndodhi në Athinë, kur policia greke ndërhyri në kampusin e konvikteve të vjetra të studentëve, për të goditur një bandë kriminale që vepronte në fushën e shpërndarjes së drogës dhe të grabitjeve.
30-vjeçari u qëllua me armë në këmbë nga policia greke pasi sulmoi me kaçavidë një oficere të policisë gjatë aksionit. Ai ndodhet në spital jashtë rrezikut për jetën.
Në këtë foto shihet shqiptari i shtrirë përtokë dhe i rrethuar nga forcat speciale pak sekonda pas plagosjes nga ana e punonjësve të policisë greke.
Nga hetimet e autoriteteve greke ka rezultuar se 30-vjeçari Esko ishte drejtuesi i bandës kriminale që shiste drogë dhe grabiste biznese dhe banesa.
Esko kërkohej nga policia greke edhe për rrëmbimin e djalit të një gazetari grek dhe grabitjen e këtij të fundit në vitin 2019.
