Një person ka shkuar i plagosur me armë zjarri në Spitalin Rajonal të Shkodrës mbrëmjen e së martës. Sipas informacioneve paraprake nga burime policore, i plagosuri është Pjetër Kola, nga fshati Ungrej i Lezhës. Fillimisht ai është paraqitur në qendrën shëndetësore në Vau Dejës, bashkë me dy persona ende të paidentifikuar.
Më pas, nga aty është transportuar në spitalin e Shkodrës për mjekim më të specializuar dhe ndodhet jashtë rrezikut për jetën. Është ende e paqartë se cili është vendi ku është plagosur shtetasi Pjeter Kola, në zonën e Vau Dejësit apo në ndonjë zonë tjetër.
Dy personat ende të paidentifikuar, janë larguar sapo e kanë lënë të plagosurin në urgjencën e Vaut të Dejës.
Autoritetet kanë nisur hetimet për zbardhjen e ngjarjes.
Lexo edhe:
