Autoriteti Rrugor Shqiptar mëngjesin e sotëm ka njoftuar për zonat problematike në qarkullimin e automjeteve si pasojë e motit të keq.
ARRSH bën me dije se në akset rrugorë Tamarë-Vermosh dhe Hani Hotit-Tamarë ka pasur rrëshqitje gurësh dhe inertesh. Gjithashtu, edhe në aksin Bogë-Theth ka pasur probleme me prurjet e përrenjve në trup të rrugës, por aktualisht aksi është i kalueshëm pa problem.
Njoftimi i plotë i ARRSH:
“Reshje me intensitet kanë përshkuar të gjithë vendin gjatë natës.
Në Rajonin Verior reshjet kanë qenë me intensitet më të lartëduke sjellë rënie gurësh e inertesh në trup të rrugës si, në: Tamarë-Vermosh, Hani Hotit-Tamarë, në Valbonë nga km 3 deri në km 10.
Në aksin Bogë-Theth ka pasur probleme me prurjet e përrenjve në trup të rrugës tashmë janë pastruar dhe aksi është i kalueshëm pa problem.
Kontraktorët e mirëmbajtjes me mjete e punëtorë janë në terren pa ndërpreje për të mbajtur gjendjen e akseve në normalitet”, thuhet në njoftim.
