Grupi i hakerave HomeLand Justice kanë publikuar mëngjesin e sotëm në Telegram disa video nga sistemi i kamerave në komisariate e dogana.
Në pamje, shihet se filmimet datojnë që nga muaji qershor e korrik. Madje një prej tyre është e kohëve të fundit, e 4 shtatorit.
Një nga videot ka në fokus ambientet e paraburgimit, aty ku qëndrojnë tre djem.
Videot janë nga zyrat e policisë dhe nga aksesi në të gjitha kamerat e sigurisë së godinës.
Grupi “Homeland Justice”, që ka marrë përsipër autorësinë e dy sulmeve kibernetike në vend, ja arritën të rrëzonin sistemet online të institucioneve shqiptare si dhe zbuluan pak ditë më parë dokumente të klasifikuara sekret.
Grupi i hakerave që sulmoi faqet qeveritare ka arritur që të marrë të dhëna “sekrete” jo vetëm të titullarëve të Policisë së Shtetit por edhe të qytetarëve shqiptarë.
Pak ditë më parë, u publikuan një sërë dokumentesh dhe të dhënash nga posta elektronike e ish-drejtorit të Policisë së Shtetit, Gledis Nanos, përfshirë këtu edhe planet për atentat ndaj Lulzim Bashës apo Albin Kurtit. Pas këtyre, hakerat kanë nxjerrë edhe listën me emra të personave që janë shpallur në kërkim nga policia e Durrësit.
