Një foshnjë shqiptare, vetëm katër muajshe ndodhet e shtruar e intubuar dhe në gjendje shumë të rëndë në spitalin e fëmijëve “Agjia Sofia”.
Ditën e djeshme u arrestua baba i saj pasi dyshohet se ka ushtruar dhunë ndaj foshnjës. Por mediet greke bëjnë me dije se në pranga gjithashtu ka rënë edhe nëna. Sot, babai 20-vjeçar dhe nëna e foshnjës së tij katër muajshe, e cila po lufton me jetën, do të dalin para prokurorit të Qiparisisë.
Akuzat ndaj babait shqiptar janë vrasje në tentativë, dhunë në familje, si dhe armëmbajtje dhe drogë. Për dy akuzat e fundit u arrestua edhe nëna 20-vjeçare, pasi nga kontrolli i policisë në shtëpinë në Aetos u zbulua një bimë kanabis, një pistoletë dhe gëzhoja.
Foshnja është shtruar me dëmtime të rënda në tru dhe mavijosje. Analizat dhe një skanim CT treguan se ai ka lëndime të rënda në kokë dhe mavijosje në të gjithë trupin.
Sipas ERT, gjithçka ndodhi pasditen e së shtunës, kur prindërit e tij e morën nga një fshat i komunës së Trifilisë ku jetojnë në spitalin e Kyparissia pasi fëmija pati konvulsione, prej andej u transferua në spitalin e Kalamatës mbrëmjen e djeshme.
Mjekët e spitalit të Kalamatës vendosën që fëmija të intubohet dhe të niset menjëherë për në Spitalin e Atikës. Njëkohësisht kanë njoftuar policinë pasi kanë zbuluar se fëmija vuante nga sindroma e dridhjeve dhe kishte të nxira në trup.
Babai 20-vjeçar i fëmijës, shtetas shqiptar, ka udhëtuar me foshnjën drejt Athinës, por pak më pas është arrestuar nga autoritetet.
