Autoritetet pro-Kremlinit kanë akuzuar forcat ukrainase për vrasjen e dy personave, përfshirë një ish-deputet, në një sulm me raketa në një hotel në qytetin e Kherson.
Një zyrtar rajonal tha se Oleksiy Zhuravko, një ish-deputet ukrainas pro-rus, vdiq si pasojë e sulmit.
Kirill Stremousov tha në deklaratë se forcat e armatosura ukrainase qëlluan një raketë në “Play Hotel by Ribas”, rreth orës 05:30 të mëngjesit të kësaj të diele.
Kievi nga ana tjetër nuk i është përgjigjur pretendimeve.
Ky sulm vjen në një moment kur autoritetet ruse në Khersonin e pushtuar po detyrojnë qytetarët të firmosin një peticion ku kërkohet që territori t’i bashkohet federatës ruse.
