Pas mbylljes së kolegjit turk “Mehmet Aikf”, nxënësit kanë lajmëruar protestë para Ministrisë së Arsimit për të kundërshtuar këtë vendim.
Protesta do të zhvillohet ditën e nesërme më 26 shtator, në orën 10:00. Pas ministrisë së Arsimit, ata do të marshojnë drejt Kryeministrisë.
Ky institucion funksiononte në Shqipëri që nga viti 1996 dhe është ndër të parat shkolla të mesme private të hapura në vend pas viteve 90’.
Vendimi i qeverisë ngarkon kolegjin që të mbulojë të gjitha shpenzimet për kryerjen e procedurave për transferimin e nxënësve.
Gjithashtu në vendim, kolegjit i kërkohet që të kthejë pagesat e kryera nga prindërit për pjesën e papërfunduar të shkollimit.
