Një 59 vjeçar është arrestuar nga Policia, si autor i disa vjedhjeve në shtëpi dhe biznese të kryeqytetit. Shtetasi D. S akuzohet për disa raste, që nga vjedhja e bizhuve të shtrenjta, deri te paratë e pajisjet teknologjike.
“Specialistët për Hetimin e Krimeve të Komisariatit të Policisë Nr. 2, bazuar dhe në informacionet e marra në rrugë operative, organizuan dhe finalizuan operacionin policor të koduar “Unstoppable”.Si rezultat i operacionit u arrestuan shtetasit: -D. S., 59 vjeç dhe A. C., 51 vjeç, për veprën penale “Vjedhja””, njofton policia.
Gjatë kontrollit në banesën e tij, shërbimet e Policisë gjetën dhe sekuestruan, në cilësinë e provës materiale, sendet e vjedhura dhe veshje të përdorura gjatë vjedhjeve.
Nga hetimet dyshohet se shtetasi D. S. është autor i disa vjedhjeve, konkretisht:
Më datë 07.07.2022, në bulevardin “Bajram Curri”, dyshohet se ka vjedhur një shumë parash në një qendër masazhi;
Më datë 14.09.2022, në rrugën “Ibrahim Rugova”, dyshohet se ka vjedhur disa bizhuteri në banesën e shtetasit F. Z.;
Më datë 17.09.2022, në rrugën “Preng Doda”, dyshohet se ka vjedhur një aparat celular dhe një laptop, në një studio ligjore;
Më datë 21.09.2022, në rrugën “Ali Kolonja”, dyshohet se ka vjedhur një shumë parash në një dyqan.
Materialet i kaluan Prokurorisë, për veprime të mëtejshme procedurale.
