Deputetja e Partisë Demokratike Jorida Tabaku, ka ngritur shqetësimin në lidhje me largimin e shqiptarëve jashtë vendit., ku shprehet se po largohen pa e kthyer pas kokën.
Me anë të një statusi në FB, ku ka bashkangjitur një video të shkëputur nga fjala e saj në Kuvend, Tabaku shprehet se mbi 5 mijë shqiptarë janë larguar vetëm në gjashtë muajt e fundit, si dhe fajësoi qeverinë dhe politikën në përgjithësi për krijimin e një situate të tillë.
“Mbi 5000 mijë shqiptarë janë larguar vetëm këtë 6 mujor. Po ikin nga sytë këmbët megjithëse nuk jemi në luftë civile apo konflikt i armatosur. Po ikin pa kthyer kokën pas.
Pse?
Shqiptarët ikin sepse qeveria në rradhë të parë, ky parlament së dyti e politika në përgjithësi nuk ofron e nuk jep shpresë! E kemi kthyer shpresën në një rreng që na kthen pas në kohë, të njëjtat emra, të njëjtat premtime, e njëjta fabul! Shqiptarët nuk janë budallenj!”, shkruan Tabaku.
