Deputetja e Partisë së Lirisë Erisa Xhixho ka reaguar pas raportit të Bankës Botërore e cila ka ngritur alarmin për prekjen e buxhetit të arsimit dhe shëndetësisë nga qeveria e Edi Ramës.
‘Qeveria Rama nuk ka prioritet arsimin, shkurton buxhetin e arsimit, nuk mbështet rritjen e pagës sa Kosova për pedagogët dhe nuk parashikon asnjë mbështetje financiare për studentët, as sa Kosova’, shkruan Xhixho në Facebook.
Postimi i plotë nga Erisa Xhixho:
“Qeveria Rama nuk ka prioritet arsimin, shkurton buxhetin e arsimit, nuk mbështet rritjen e pagës sa Kosova për pedagogët dhe nuk parashikon asnjë mbështetje financiare për studentët, as sa Kosova.
Ndërkohë, raporti i Bankës Botërore i shtohet listës së institucioneve ndërkombëtare që kanë ngritur alarmin për shkurtimin e buxhetit të arsimit dhe shëndetësisë.
Banka Botërore i sugjeron qeverisë:
📌 Të mos shkurtojë fondet për arsimin dhe shëndetësinë, pasi ato vlerësohen me pamjaftueshmëri të thellë në raport me nevojat reale.
📌 Sipas Bankës Botërore, shkurtimet duhen bërë në shpenzime buxhetore si udhëtimet, dietat dhe shpenzime të tjera operative
Buxheti i arsimit, më i ulëti në rajon u shkrtua me 15 milion dollarë me akt normativ në prill 2022, gjë e cila e rëndon akoma më tej situatën në këtë sektor jetik për vendin.
Ndërsa shqiptarët po zhyten në varfëri për shkak të krizës dhe mungesës së mbështetjes nga qeveria, kjo e fundit ka cunguar buxhetin e arsimit, duke lënë të paprekura koncesionet dhe inceneratorët që çojnë para në xhepat e klientëve të saj.
E kemi kundërshtuar me forcë shkurtimin e buxhetit të arsimit që në krye të herës, pasi vetëm me mbështetjen e duhur financiare mund të rimëkëmbim shkollat dhe universitetet, të cilat po boshatisen përditë.
📚🏫Arsimi është e ardhmja, nuk janë koncesionet dhe PPP.
Arsimi si prioritet kombëtar mund frenojë shpopullimin e vendit, drama më e madhe që po kalojnë familjet shqiptare sot”
