Policia italiane dyshon se një nga pistat e vdekjes së shqiptares Alesia Prendit është vetëvrasja.
Prokuroria Publike e Trevisos po heton vdekjen e 12-vjeçares shqiptare, e cila gjeti vdekjen të premten e kaluar në kopshtin e saj në Conegliano.
Sipas Leggo.it në dosjen e Prokurorisë Publike për momentin nuk ka asnjë të dyshuar. Hetuesit, si hipotezë kryesore, mendojnë vetëvrasjen.
Ata e justifikojnë këtë veprim si një gjest të motivuar nga një depresion i rëndë pas transferimit nga Shqipëria në Itali, që ndodhi disa muaj më parë.
Pasditen e së premtes vajza ishte në shtëpi me familjen e saj. Ajo doli në kopsht për të luajtur me vëllain e saj të vogël dhe një shok tjetër. Trupi i saj u gjet e pajetë pranë një peme.
