Ish-ministri, Ylli Manjani ka komentuar edhe për pagesat që politikanët shqiptarë bëjnë në SHBA, për të dalë në foto me personalitet të ndryshme.
Gjatë intervistës për Syri tv, Manjani kërkon të dijë se me çfarë lekësh ka shkuar Erion Veliaj në SHBA dhe ka bërë foto me disa drejtues të Kongresit.
“U çel një hetim penal, nuk shkoi dot deri në fund, sepse një dëshmi e një amerikani, Nik Muzin nuk erdhi kurrë në prokurorinë shqiptare. Ka zëra publikë që thonë se ka ngelë në ambasadën e SHBA. Media duhet ta pyesë vazhdimisht zonjën Kim, se ku është kjo letër.
Dikush nga autoritetet amerikane i kanë një borxh shqiptarëve për të thënë se, çfarë ka ndodhur, pse nuk erdhi kjo përgjigje sepse nga kjo përgjigjej varej shumë sqarimi i kësaj çështje.
Ata politikanë shqiptarë që zgërdhihen, duke blerë foto me një politikan amerikan, janë maskarenj, të ndyrë. Ata nuk e meritojnë të votohen nga populli shqiptar. Ndërkohë që themi, Luli, Luli, Erion Veliaj nga shfaqet kryetari i një bashkie, shkon dhe na shfaqet në krah të kryetares së parlamentit.
Ndërkohë këtu Luli, Rusia, duke bërë namin këtu. Ndërkohë ky zotëria nuk i ka dhënë një shpjegim popullit shqiptar, me çfarë lekësh shkoi atje, çfarë agjende. Ky është një lobim. Dhe për këtë lobing ky zotëria ka barrën ti thojë publikut me çfarë lekësh e bëri këtë punë. I kujt është ky. Kjo është njëri aspekt.
Vijmë të pjesa qesharake tani. Erion Veliaj është zorra qorre e Edi Ramës. Veliaj do të gëzojë atë pushtet që gëzon. Sa të marrë frymë Edi Rama, Erion Veliaj nuk bëhet kryeministër, ai dhe ca burra më të mirë se ai. Nuk është një fotografi e Nensi Pelosit, që i shton vota Erion Veliajt’, tha Manjani.
