Kryetarja e Kuvendit, Lindita Nikolla, i ka ndërprerë fjalën kryetarit të Partisë Demokratike, Sali Berishës.
Edhe pse kishte dalë për procedurë Sali Berisha filloi t’i bënte pyetje ministrave dhe fill pas kësaj Nikolla i ka fikur mikrofonin.
Kjo ka acaruar Gazment Bardhin, i cili e ka marrë në mbrojtje, duke qëlluar tavolinën me grusht.
Berisha u shpreh se zv.kryeministrja Balluku po mban Parlamentin 20 minuta me mashtrime.
“A mundet një njeri ta mbajë me mashtrime parlamentin 20 minuta duke shkelur çdo rregullore siç bën zonja? Me çfarë lidhet me ju largimi i Nanos, drejtorit të përgjithshëm të policisë? Çfarë lidhje ka? Fol pak këtu për misterin e pallatit të Lul Morinës, na fol pak për mullar pallatin. Pallat 8 katësh dhe flet këtu për mister”, u shpreh Berisha.
