Ju mund të keni provuar shumë metoda, por në fund të çdo muaji gjithmonë përfundoni me xhepa bosh. Rregulli, mbi të cilin mund të mbështeteni patjetër, sipas ekonomistëve, njihet si ” 50-30-20 ” dhe me të vërtetë premton t’ju ndihmojë të menaxhoni buxhetin tuaj ndryshe, duke kursyer më shumë para.
Siç thotë rregulli, 50% e të ardhurave tuaja duhet të ndahen për shpenzimet bazë, si strehimi, ushqimi, pagesa e faturave. 30% në nevojat që lidhen me stilin tuaj të jetesës, si veshje, argëtim, ndërsa 20% dhe është më elementari, duhet të lihet mënjanë. Në thelb, rregulli vjen për të përmbysur teoritë tuaja të deritanishme në lidhje me menaxhimin e parave tuaja.
Kjo do të thotë se duhet të ndaloni shpenzime të ndryshme të vogla që megjithatë konsiderohen të panevojshme. Edhe 1 apo 2 euro është një hap i rëndësishëm. Nëse bëni llogaritë në fund të vitit, do ta kuptoni.
E gjithë logjika bazohet në kursime të zgjuara pa e privuar veten nga ajo që ju pëlqen, pasi ajo që bën është në thelb të ndryshojë mënyrën se si i shihni gjërat dhe të ndryshoni përparësitë. Rregulli 50-30-20 është aq i thjeshtë sa tingëllon. E mira e këtij rregulli të veçantë është se nuk është shumë i rreptë.
Kjo do të thotë që tarifat mund të ndryshojnë në varësi të vështirësisë së çdo muaji. Gjëja kryesore është të keni një plan me shpenzimet e muajit, pasi vetëm kështu do të mund të kurseni një shumë për një blerje të ardhshme ose për shpenzime që nuk i kishit llogaritur në rast urgjence
