Një 37-vjeçare banuese në Fier, ia ka punuar “pas krahëve” qytetarëve. Policia bën me dije se qytetarët i kishin besuar miellin për përpunim.
Por administratorja e subjektit që merret me përpunimin e miellit, grumbulloi gjithë mallin dhe më pas u largua jashtë vendit.
“Specialistët për Hetimin e Krimeve Ekonomiko-Financiare të DVP Fier referuan materialet në Prokurori në ngarkim të shtetases E. S., 37 vjeçe, banuese në Fier, pasi dyshohet se duke qenë administratore e një subjekti me aktivitet tregtar përpunimin e miellit, ka grumbulluar nga qytetarë të ndryshëm sasi mielli, me qëllim përpunimin e tyre, dhe është larguar jashtë shtetit duke mos e kryer përpunimin e marrë përsipër nga subjekti tregtar i administruar prej saj,” bën me dije policia.
