Sot në një lidhje “Skype” për Faxnews ka qenë aktivisti dhe pedagogu Ervin Goci për të folur në lidhje me vendimin e Prokurorisë që mediat të mos publikojnë të dhënat e hakerimit iranian ndaj sistemeve tona.
Ai tha se ky vendim është i tepruar dhe në raste se ka të dhëna sensitive, Prokuroria duhet ti drejtohet medias me nje dokument serioz.
Goci shtoi se pas sulmeve kibernetike, vendi është i kërcënuar ndërsa siguria kombëtare është përtokë. Sipas Gocit, Prokuroria nuk duhet të merret me gazetarët por ta ketë fokusin te hetimet.
Goci: “Është një vendim nuk e di kush e ka marrë, se nuk ka asnjë lloj efekti. Prokuroria nuk mund të bllokojë njerëzit dhe të thotë që sot ka vendosur që në Shqipëri të mos flitet, të mos mendohet, të mos reagohet. Prokuroria është një mbrojtëse e ligjit. Dhe vetë Prokuroria nuk është asgjë pa ligjin.
Është e tepruar dhe budallëk. Nëse ka nevojë për gjëra që janë sensitive, ka nevojë për një komunikim jo publik por duke iu drejtuar redaksive se cilat janë rreziqet me një dokument serioz ku thuhet kini kujdes.
Nuk ka të drejtë ta bëjë këtë se Prokuroria funksionon në bazë të ligjit. Pa ligjin kthehet në një strukturë gërbaci.
Cfarë sekreti, ato kanë dalë, janë gjëra të vjedhur, është hyrë dhe është depërtuar një sistem. Nuk ka asgjë të re. Këtu nuk është cështja se ka një redaksi që i ka rënë në dorë një informacion sensitive, këtu jemi në situatën e lakuriqësisë fare. E dinë të gjithë ca ka ndodhur. Ne vend që prokuroria të mendojë si mundet që hetimet e saj të ndihmohen, u thotë njerëve atë që që keni parë nuk e kani parë. Ajo gjëja është parë.
Mediat kanë një kontribut të jashtëzakonshëm. Cështja e publikimit është e zgjidhur se nuk ka lidhje media.
Cështja është a vendos redaksia në publikimin e disa informacioneve sensitive, patjetër që mund të ketë penalitete, që mund të hapen edhe cështje gjyqësore.
Kryeministri dhe qeveria i kanë bërë komplimente AKSHI-t. Shqipërisë i kanë rënë brekët, i ka dalë cdo lloj gjenitali i mundshëm. E kuptoni ku jemi dhe këta merren me gazetarët. Siguria kombëtarë është përtokë. Vendi është jashtëzakonisht i kërcënuar, tani i biem samarit dhe merremi me gazetarët”
