Romir Saraçi, ka komentuar në emisionin ‘Çim Peka Live’ hakerimin e e-mailave të ish-kryepolicit Gledis Nano dhe vendimin e Prokurorisë për të ndaluar publikimin e materialeve të hakerave nga mediat, pasi në të kundërt do të dënohen me ligj.
Saraçi deklaroi se ky është skandali më i madh në 30 vite që do të mbulojë Policia e Shtetit ndërsa deklaroi se janë 1500 file (materiale) të mesazheve që i janë dhënë Gledis Nanos.
“Ky është skandali më i madh që mund të mbulojë Policia e Shtetit në 30 vitet e fundit. Janë sekrete shtetërore, informacione të një rëndësie të veçantë. Janë të paktën 1500 file, materiale që janë në dosje që kanë të dhëna sensitive.
Të dhënat, për Talo Çelën ka një komunikim që vihet në dijeni Gledis Nano, që Çela lëviz në rrugët e Tiranës i lirë. Rasti i fundit ka qenë në Rrugën e Dibrës, lëviz me Audi A8 duke shkuar në një hotel të zonës.
Për këtë është vënë në dijeni Gledis Nano, pse s’është ndaluar e arrestuar, të japë llogari Policia e Shtetit.”-tha Saraçi.
