Partizani ia ka dalë të sigurojnë 3 pikët në “Kukës Arena”, duke mposhtur 2-1 verilindorët për të rimarrë kështu edhe vendin e parë në tabelën e klasifikimit.
Partizani do të kalonte i pari në avantazh ndaj Kukësit ku Tedi Cara do të ndëshkonte Angel Tafas. Sulmuesi i demave shënoi nga goditja e dënimit një supergol në minutën e 16-të. Festa zgjati shumë pak, pasi autori i golit u godit nga tifozët me shishe në sy, lojtarin që u desh të dilte nga fusha e lojës, pasi e kishte të pamundur të vazhdonte pjesën tjetër të ndeshjes.
Pjesa e dytë do të ishte një tablo tjetër. Daci që nga tuneli do të gjente golin e barazimit. Një zbritje e shpejtë nga e majta, Daci futet në zonë dhe mposht portierin Rexhepi. Verilindorët marin zemër nga goli i shënuar, me lojtarët që krijojnë raste të tjera shënimi, por do të mungonte finalizimi.
Kukësi sheh më shumë drejt sulmit, por edhe Partizani zbret rrezikshëm sa herë që ka mundësinë, teksa në të 73-të do të vinte dhe goli i avantazhit për demat. Enea Bitri ndëshkon për herë të dytë Tafas. 1-2 për miqtë që provojnë të gjejnë edhe golin e sigurisë në “Kukës Arena”.
