Në qendër të Kukësit, është vendosur këtë të hënë busti i Mbretëreshës Elizabeth ll. Busti është vendosur para Pallatit të Kulturës, teksa mbetet mister se kush është autori i kësaj vepre artistike.
Bashkia e qytetit njoftoi se nuk ka dijeni se kush mund të jetë autori dhe porositësi i këtij busti.
Ndërkohë që edhe qytetarët e Hasit më herët kishin planifikuar vendosjen e një statuje të Mbretëreshës në qytet.
Në një intervistë të dhënë gjatë kësaj vere për gazetarët e DailyMail, kryebashkiaku Liman Morina tha se kishin planifikuar vendosjen e bustit të monarkes britanike në qytetin e Hasit. Pritet që busti të ndërtohet me paratë e emigrantëve shqiptarë në Britaninë e Madhe
Ditën e sotme i jepet lamtumira e fundit Mbretëreshës Elizabeth II, e cila mbretëroi për 70 vite në krye të Mbretërisë së Bashkuar. Vdekja e saj ka prekur shumë jo vetëm britanikët por edhe shqiptarët, kryesisht qytetet e veriut, pasi shumë prej tyre emigrojnë në Britani.
