Një autobus që transportonte njerëz të infektuar me Covid -19 në një strukturë karantine në Kinë është përplasur duke shkaktuar vdekjen e 27 personave. 20 persona të tjerë mbetën të plagosur.
Sipas rregulloreve kineze, autobusët e pasagjerëve nuk lejohen të lëvizin në autostradë nga ora 02:00 deri në 05:00. Megjithatë, aksidenti ndodhi në orën 02:40 me orën lokale të hënën (18:40 GMT të dielën) pasi autobusi u nis pak pas mesnate, duke treguar se autobusi kishte shkelur rregulloren.
Vajza e një prej viktimave shkroi në rrjetet sociale se “nuk mund ta pranonte” vdekjen e nënës së saj.
“Mamaja ime qëndroi në shtëpi për gjysmë muaji. Ajo nuk shkoi askund përveçse doli për teste PCR… por papritmas u dërgua në karantinë dhe vdiq,” shkroi ajo.
