Spanja shpallet kampione e Europës në basketboll teksa mundën në finale Francën 88-76. Spanjollët patën një fillim të mirë të ndeshjes duke u treguar të saktë me trepikëshat duke krijuar një avantazh prej 11 pikësh brenda periodës së parë të lojës.
Në periodën e dytë, Juancho Hernangomez udhëhoqi iberikët drejt një avantazhi prej 21 pikësh duke e bërë më të lehtë finalen. Pas pushimit, Franca u duk më e kujdesshme, por nuk mundi të frenonte spanjollët, veçanërisht vëllezërit Hernangomez.
Ky ishte titulli i katërt për Spanjën e cila vazhdon të shkëlqejë në arenën europiane edhe pas tërheqjes së vëllezërve Gasol. Juancho Hernangomez kryesoi Spanjën me 27 pikë, duke u shpallur edhe si MVP i finales, ndërsa vëllai i tij Willy kontribuoi me 14 dhe Lorenzo Broën me “double-double”, 14 pikë dhe 11 asistime.
Dyshja më e mirë e Francës në fushë ishin Evan Fournier dhe Thomas Heurtel, të cilët shënuan respektivisht 23 dhe 16 pikë.
