Sekretari i Marrëdhënieve më Diasporën në Partinë Demokratike, Indrit Hoxha ka publikuar një video nga Roma ku tregon se shqiptarët në Itali po përgatiten për “Foloren” me kryetarin e demokratëve, Sali Berishën.
“Nga Roma gati për “foltoren” e Partisë Demokratike’, shkruan Indrit Hoxha në Facebook ndërsa shihet një varg makinash që i bien borisë në mënyrë përshëndetëse.
Kujtojmë që ish-kryeministri Sali Berisha ditën e sotme në orën 17:00 do të zhvillojë një bashkëbisedim me emigrantët e shumtë që jetojnë dhe punojnë në Itali. Ditë më parë Berisha deklaroi se shumë shpejt qytetarët do të derdhen në sheshe për të protestuar kundër kryeministrit Edi Rama dhe qeverisjes së tij.
