Këtë verë, 58-vjeçari portugez Luis Campos ndërroi anë. Ai tani është zyrtarisht këshilltari strategjik i klubit të Parisit, duke qenë në fakt, njeriu kyç i klubit kur bëhet fjalë për transferimet.
Ndërkohë, ai ka refuzuar një kalim te Chelsea: “Kam një kontratë trevjeçare këtu në PSG, ashtu siç doja dhe erdha këtu sepse jam i bindur se mund të arrijmë diçka të jashtëzakonshme. Duhet të falënderoj (shefin e klubit Nasser) al-Khelaifi që më dha këtë mundësi. Kur Nasser më ofroi këtë punë, gjëja e parë që bëra ishte të telefonoja trajnerin (Christophe) Galtier për të folur për projektin tonë!”
Ndër të tjera, Luis Campos ka folur edhe për yjet më të mëdhenj të klubit. Gjatë verës kishte zëra për një lëvizje rreth Neymar (30), apo Kylian Mbappé (23) dhe se e ardhmja e Lionel Messit (35) përtej këtij sezoni është e pasigurt.
Këshilltari strategjik tha: “Neymar nuk ishte kurrë afër largimit nga PSG. Të gjitha fjalët rreth Neymar këtë verë kanë qenë krejtësisht të rreme. Gjithashtu, edhe se Mbappé dyshohet se donte që Ney të shitej, është një tjetër lajm i madh i rremë. Neymar është 100 për qind pjesë e projektit tonë”.
Duke folur për Messin, Campos tha: “E pyeta nëse donte të qëndronte dhe i thashë se shpresoj se do të qëndrojë këtu gjatë gjithë mandatit tim. Jam shumë i lumtur me Leon.” Kontrata e argjentinasit skadon në fund të sezonit. Thuhet se shtatë herë “Topi i Artë” nuk dëshiron të marrë vendimin se si do të vazhdojë pas sezonit aktual para Kupës së Botës në Katar.
