Partizani zbret në fushë këtë të hënë ndaj Kukësit, por Xhuliano Skuka duket se po mendon që tani për sfidën pas dy javësh, atë kundër Tiranës në derbin e ndezur të kryeqytetit. Sulmuesi dëshiron të jetë përsëri protagonist në një supersfidë të tillë e ndoshta kjo është arsyeja se pse këtë javë ka vendosur që të shohë vetë në stadium ndeshjen e rivalëve kryeqytetas.
Por në “studimin” e rivalëve, këtë herë Skuka nuk i ka qenë i vetëm. Në foton e siguruar nga “Panorama Sport” shihet se sulmuesi i të kuqve ka qenë përkrah një vajze e cila po ndiqte me interes sfidën në “Selman Stërmasi”, ashtu si sulmuesi i Partizanit.
