Një 30-vjeçar është arrestuar në Durrës këtë të Shtunë në kuadër të parandalimit të mallrave kontrabandë.
Policia bën me dije se në pranga ka rënë shtetasi Xh. S., 30 vjeç, banues në Durrës, të cilit iu gjet një sasi e konsiderueshme paketash me cigare, pa pullën fiskale.
“Arrestimi i shtetasit Xh. S. u bë pasi, gjatë kontrollit të ushtruar nga shërbimet e Policisë, në dyqanin e tij, në Shijak, u gjet dhe u sekuestrua një sasi e konsiderueshme paketash me cigare, të dyshuara të kontrabanduara në vendin tonë, të cilat nuk ishin të pajisura me pullën fiskale përkatëse të Republikës së Shqipërisë”, njofton policia.
Uniformat blu bëjnë me dije se materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
