Ministria e Punëve të Brendshme të Serbisë ka njoftuar se ka kapur 50 kilogram drogë të llojit marijuanë.
Përmes një komunikate për media, sipas MPB-së serbe ky thuhet të jetë një aksion ku është shkatërruar një rrjet i kontrabandës që nisej nga Shqipëria kalonte nëpër Kosovë dhe përfundonte në Serbi.
Nga ky aksion kanë mbetur të arrestuar pesë persona raporton Express.
Tek të dyshuarit S.M dhe I.Z është kapur një sasi e drogës prej 30 kilogramëve, derisa tek të arrestuarit tjerë A.D, G.K dhe G.K, është gjetur pjesa tjetër e marijuanës dhe pak kokainë. Tre të arrestuarit e fundit e kishin dërguar sasinë e drogës nga Kosova në Serbi me një makinë e cila ishte e shënuar me shenjën e misionit të “OSBE”-së.
Këta tre janë arrestuar derisa kanë tentuar të largohen nga vendi i ngjarjes ku ishte planifikuar ta linin dërgesën.
“Të dyshuarve u është caktuar masa e ndalimit deri në 48 orë, pas së cilës me kallëzim penal do t’i dorëzohen Prokurorisë së Lartë Publike në Beograd”, thuhet në njoftim.
