Diplomati Agmin Nesho komentoi në edicionin e pasdites në Syri Tv ndikimin rus në politikën shqiptare. Nesho tha se Rusia gjithmonë ka synuar ndarjen dhe provokimin e Europës dhe jo gjetjen e aleatëve.
Sa i përket skandalit ‘Basha’ per lobimet me financimet Ruse, Nesho deklaroi se kjo çështje duhet t’i rikthehet për gjykim drejtësisë, ndërsa shtoi se Lulzim Basha me lëvizjet e tij të çuditshme në vitin 2017 i siguroi Ramës zgjatjen e pushtetit.
Duhet të themi që kjo ka qenë në vitin 2017, kohë e një kthese të madhe kur veprimet e Bashës i cili në vijimësi pati një qëndrim tjetër, daljen nga parlamenti, kapjen e drejtësia, braktisja e zgjedhjeve lokale, ka pasur një pikësynim për të favorizuar dikë.
Edhe Rusia nuk ka dashur thjesht të lobojnë një parti politike në Shqipëri, pasi partisë s’kanë të bëjnë asgjë me Rusinë, as në Rusi as lidhje historike, kulturore apo fetare.
Opinioni publik shqiptar jo vetëm është indiferent por dhe antagonist me politikat ruse në Shqipëri. Kjo ka të bëjë për të siguruar vazhdimësinë e Ramës në pushtet, Basha është gjetur si agjent që mund ta mundësojë këtë gjë me kompromiset në 2017.”-tha Nesho.
