Një zjarr me përmasa të madha është duke u përhapur në zonën e fshatit Dukat.
Zjarri i ndihmuar dhe nga era vijon të djegë kryesisht shkurre që ka mali i Dukatit. Për shuarjen e flakëve kanë shkuar forcat e zjarrfikësve, por dhe banorë.
Ditën e sotme, ka pasur disa vatra zjarri në Vlorë, ku para dy orësh, në Jonufër, zjarrfikësit kanë shuar një tjetër vatër zjarri.
Sipas zjarrfikësve, kjo është dhe periudha ku barinjtë apo dhe personat që kërkojnë të mbijë bari i ri i vendosin zjarrin, por pa menduar pasojat që ai mund të shkaktojë.
