Komisioni i Ligjeve gjatë mbledhjes së sotme ka zgjedhur me short Florian Bjankun si kandidat për anëtarë të Këshillit të Lartë të Prokurorisë.
Ai vjen nga trupa e pedagogëve të Fakultetit të Drejtësisë dhe Shkollës së Magjistraturës.
Lista përbehej nga 4 kandidatë: Kreshnik Myftari, Florjan Bjanku, Juliana Bylykbashi dhe Arta Mandro.
“Florjan Bjanku rezulton nga shorti si i zgjedhur anëtar i KLP. Lista do t’i shkojë seancës plenare në të cilën do të duhet një votim me shumicë të cilësuar. Nëse kjo shumicë nuk arrihet do të rikthehemi përsëri me një proces shorti në nën/komision. Nëse dështon herën e dytë, do të jetë edhe hera e tretë. Në herën e tretë kandidati që del nga shorti edhe nëse nuk merr kuorumin e mjaftueshëm në Parlament do të konsiderohet si i zgjedhur anëtar i KLP”, tha kryetarja e komisionit të ligjeve, Klotilda Bushka.
Bjanku vjen nga radhët e pedagogëve dhe punon në Fakultetin e Drejtësisë së Universitetit “Luigj Gurakuqi”, Shkodër.
