Kreu i Partisë së Lirisë, Ilir Meta e ka nisur ditën me një mesazh shpresëdhënës për shqiptarët.
Ish-presidenti ka postuar një foto në rrjetet sociale të një vogëlushe e cila mori pjesë në protestën e djeshme të zhvilluar tek inceneratori i tiranës. Vogëlushja mban një pankartë ku shkruan: “Inceneratori po djeg paratë e librave të mi”.
“Një nga mesazhet më domethënës të protestës qytetare! Paratë që duhet të shpenzoheshin për një arsim cilësor, vidhen me inceneratorët duke djegur të ardhmen e fëmijëve. Arsim cilësor pa buxhetim nuk mund të ketë. Vetëm arsimi, si prioritet kombëtar, sjell zhvillim”, shkruan Ilir Meta në mbishkrimin e fotos.
