Dy shqiptarë raportohet se kanë humbur jetën në një aksident të ndodhur në Haute-Savoie të Francës këtë të Mërkurë.
Sipas mediave lokale, makina me të cilët lëviznin dy shqiptarët, gjeneralitetet e të cilëve nuk bëhen me dije, është përplasur me një tjetër automjet. Për pasojë, dy shqiptarët kanë mbetur të vdekur në vend, ndërsa janë plagosur lehtë tre personat në bord të automjetit tjetër: një grua 33-vjeçare dhe dy fëmijët e saj, 4 muajsh e 3 vjeç.
Referuar mediave franceze, një prej shqiptarëve dyshohet se ka humbur kontrollin e mjetit që është futur në korsinë tjetër të rrugës (kundravajtje) ku është përplasur me mjetin e drejtua nga 33-vjeçarja që mbeti e plagosur.
Një hetim po kryhet nga autoritetet lidhur me ngjarjen.
