Një 40-vjeçare shqiptare është dhunuar nga ish-bashkëshorti i saj italian. 39-vjeçari është arrestuar nga policia e Bolonjës, pasi ka qenë gruaja ajo që e fshehur në dhomë u ka telefonuar dhe u ka kërkuar ndihmë.
Sipas mediave vendase, ngjarja ka ndodhur në orën 21:45 të ditës së djeshme.
Vetëm pas mbërritjes së policisë, shqiptarja, e cila ishte asistente e shëndetit social, doli nga dhoma dhe shkoi në polici duke i kërkuar ta mbronin nga ish-partneri i saj. Ajo tha se bashkëjetonin akoma dhe pse kishin 1 vit të ndarë pas një martese 6-vjeçare.
Gruaja ka raportuar se është kërcënuar me vdekje gjatë një debati për arsye të kota, është sulmuar, tërhequr flokët, goditur me shkelma dhe grushta në pjesë të ndryshme të trupit.
Me urdhër të Prokurorit Publik të Bolonjës, 39-vjeçari i arrestuar nga policët u dërgua në burg.
