Grupi i Enkelejd Alibeaj, i ka bërë kërkesë Kuvendit për mbledhjen e Këshillit për mandatin e ministres Olta Xhaçka.
Në kërkesën drejtuar kryetares së Kuvendit, Lindita Nikollës, grupi i PD-së i kërkon thirrjen e mbledhjes ditën e nesërme, më 14 shtator, në orën 13:00, me rend dite: “Vijimin e shqyrtimit të mocionit të 1/10 së deputetëve të grupit parlamentar të PD për ndjekjen e procedurës parlamentare për konstatimin e pavlefshmërisë dhe mbarimit të mandatit të deputetes Olta Xhaçka.”
Dokumenti është firmosur nga deputetët Enkelejd Alibeaj, Gazment Bardhi, Ervin Salianji, Greta Bardeli dhe Saimir Korreshi.
