Eksperti i IT, Edmond Liçaj, komentoi në edicionin e pasdites në Syri Tv sulmin kibernetik nga iranianët në Shqipëri. Liçaj tha se sulmi i fundit ndaj sistemit TIMS tregoi edhe njëherë dobësitë shtetërore ndër vite.
Më tej eksperti i IT tha se rikuperimi i shpejtë i të dhënave nuk është implementuar dot në Shqipëri ndërsa theksoi edhe njëherë dobësinë për sigurinë e përgjithshme.
“Sa i përket TIMS-it, na ka nxjerrë në pah sulmi dobësitë tona të ndërtuara ndër vite. S’është problem i ri. Nëse shohim të gjithë infrastrukturën shtetërore si është e ndërtuar do kuptojmë kush mund të jetë dëmi dhe shkaqet. TIMS është sistem i mbyllur, jo sistem që ka lidhje me të tjerat.
Të gjitha institucionet, strukturat dhe pikat tona kritike sa i përket menaxhimit të të dhënave i kemi në një territor të limituar.
Rikuperimi i shpejtë i të dhënave nuk është implementuar dot në Shqipëri. Në një godinë kemi të gjithë të dhënat, si backup-et dhe serverat kryesorë.”-tha Liçaj.
