Një 35-vjeçar është arrestuar nga policia pasi i ka dhënë ndihmë, disa personave për të kaluar në mënyrë të paligjshme kufirin në Qafë Botë.
Policia njofton se arrestuan këtë të Hënë në flagrancë shtetasi Xh. J., 35 vjeç, banues në Gramsh.
Arrestimi i këtij shtetasi u bë pasi u kap në aksin rrugor Çukë – Sarandë, duke transportuar me një mjet tip furgon, 17 emigrantë të paligjshëm, kundrejt fitimit.
Ndërkaq materialet i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve”, shtuan të njëjtat burime.
