Kreu i Partisë së Lirisë, Ilir Meta, ka qenë në Ambasadën Britanike në Tiranë, për të shprehur ngushëllimet për ndarjen nga jeta të Mbretëreshës Elizabeth II.
Meta shoqërohej nga Monika Kryemadhi dhe Agim Nesho.
“Sot në emër të Partisë së Lirisë, në ambientet e Ambasadës Britanike në Tiranë, i shpreha ngushëllimet Ambasadorit Britanik, Shkëlqesisë së Tij z. Alastair King-Smith, për ndarjen nga jeta të Madhërisë së Saj, Mbretëreshës Elizabeth II. Populli shqiptar do t’i jetë gjithmonë mirënjohës për mbështetjen e Saj të jashtëzakonshme ndaj Shqipërisë dhe shqiptarëve, sidomos në momentet më të vështira”, shkruan Meta në rrjetet sociale.
Meta dhe shoqëruesit e tij, kanë lënë një mesazh në librin e ngushëllimeve.
Kujtojmë se Ambasada Britanike ka qenë e hapur sot edhe për publikun dhe qytetarët kanë patur mundësi të lënë mesazhe ngushëllimi.
