Kryeministri Edi Rama prej kohësh ka paralajmëruar dhe frikësuar shqiptarët se do të përballen me krizë të energjisë elektrike madje situata e vështirë sipas tij mund të shkojë deri në ndërprerje të saj.
Rama dhe ministret e kabinetit çdo ditë po u bëjnë thirrje shqiptarëve që të kursejnë energjinë elektrike por bashkia e Tiranë është e para që “thyen” urdhërin e kreut të qeverisë duke shpërdoruar energjinë pasi sot kanë lënë të ndezura dritat e rrugëve në mes të ditës.
Në krahun tjetër, ministrja e Energjisë dhe Infrastrukturës, Belind Balluku ditë më parë në mënyrë absurde u ka kërkuar qytetarëve që të lajnë rrobat me 30 gradë ndërsa lavatriçja të mos vendoset më shumë se 8 herë në muaj. E njëjta gjë edhe për procesin e larjes së enëve, që duhet të ndodh dy herë në javë, pra në total 8 herë brenda muajit, në mënyrë që të mos tejkalohet kuota deri në 800 kWh.
Kujtojmë që nga 1 tetori konsumatorët familjarë që shpenzojnë mbi 800 kilovat/orë energji elektrike në muaj, mbi këtë sasi do të faturohen me vlerën e tregut.
Më poshtë mund të shikoni situatën se si shpërdorohet energjia elektrike nga kryebashkiaku Erion Veliaj i cili në mënyrë absurde ka lënë dritat ndezur në rrugët e Tiranës:
